Балабақшада «Мектепке дейінгі жастағы балаларға патриоттық тәрбие беру» тақырыбында №2 педагогикалық кеңес өтті. Педагогикалық кеңес барысында Деловая игра ұйымдастырылды. Педагогтар пікірталасқа түсіп, тәрбиелік жұмыс бойынша классикалық және инновациялық жұмыс түрлерімен бөлісті.

МКҚК «№2 Бөбекжайы»
№2 Педагогикалық кеңестің
Сценарийі
Тақырыбы: «Мектеп жасына дейінгі балаларға патриоттық тәрбие беру»
27.11.2025 ж.

Педсовет барысы:

Құрметті әріптестер, қош келдіңіздер!
Бүгін біз мектепке дейінгі ұйымдарда азаматтық-патриоттық білім берудің заманауи тәсілдерін қарастырып, талқылауға тырысамыз. Бүгінгі жұмысымыз сіздерге балалармен адамгершілік-патриоттық тәрбие беру бағытында көмек болады деп үміттенемін.

Жүргізуші (әдіскер): – Сөз кезегін басшы Сенчило О.Н.-ға беремін.

Жүргізуші (әдіскер): Қатысып отырған әріптестерді кезекпен мына сөйлемді жалғастыруға шақырамын:
«Меніңше, адамгершілік-патриоттық тәрбие қажет, өйткені…»
(Мини Қазақстан туын бір-біріне беру арқылы)

Жүргізуші: Қызықты жаттығу өткізіп көрейік деп ұсынамын.

Жаттығу: «Баланың жан дүниесін толтырайық»

Баршаңызға белгілі, адамның бүкіл болашақ өмірі бала кезінен негіз алады.
Келіңіздер, бір сәтке мына шыны ыдысты (ыдысты көрсету) дүниеге келген кішкентай адам деп елестетейік. Оның жан дүниесін Отанын сүйетін адамның бай, рухани әлемін білдіретін түрлі-түсті тастармен толтырайық. Әр педагог вазаға бір тастан салып, баланың жанын қандай қасиеттермен толтырғысы келетінін айтсын.

Педагог бірінші тасты салып: «Жақындарын сүю» дейді.
Қалған қатысушылар өз қасиеттерін айтып, тастарын ыдысқа салды:
(Мейірімділік, үлкендерді құрметтеу, табиғатты сүю, халқымыздың мәдени мұрасына – фольклорға, әнге, биге деген сүйіспеншілік, өз халқына деген мақтаныш, дәстүрді құрметтеу, туған жерді сүю)

– Жарайсыздар! Міне, біз баланың жарқын, бай, мейірімді жан дүниесін қалыптастырдық.

Құрметті әріптестер, бұл жаттығуды орындау арқылы біз балалардың адамгершілік-патриоттық тәрбиесінің негізгі компоненттерін айқындап алдық.

Жүргізуші (әдіскер): Дискуссия

Енді мына мәселелер жөнінде әңгімелесейік:

– Біздің балабақшада адамгершілік-патриоттық тәрбие қалай жүзеге асырылады?
– Бағдарламамыз бұл бағытта қандай міндеттер қояды?

Алдымен білгіміз келетіні — бұл мәселе қандай іс-әрекет түрінде көрініс табады?

(Коммуникативтік қызметте – мемлекеттік тілді үйрену, тіл дамыту; көркем әдебиет; әлеуметтік-эмоциялық қызмет – қоршаған ортамен таныстыру; шығармашылық қызмет – музыка, сурет салу, аппликация, мүсіндеу, құрастыру; дене тәрбиесі – өз Отанын сүетін, дені сау азамат болып қалыптасу)

«Патриоттық тәрбие» ұғымы 3–4 жастан, яғни кіші топтан басталады.
Одан кейін тапсырмалар күрделене береді. Бұл дұрыс па?
(Тәрбиешілердің жауаптары)

Айтыңыздаршы, бағдарламада бұл мәселеге жеткілікті көңіл бөлінген деп ойлайсыздар ма?
(Тәрбиешілердің жауаптары)

ГОС талаптарына сәйкес мектепке дейінгі тәрбие беру бағдарламасында баланың бойында патриотизм, дәстүрлі құндылықтарды құрметтеу секілді қасиеттерді тәрбиелеуге үлкен мән берілген.

Бағдарлама мәдениетсәйкестік принципіне негізделген.
Мәдениетсәйкестік принципі – тұлғаның дамуы жүзеге асатын ортаның мәдениетін тәрбиелеу, білім беру мен оқытуда барынша қолдану идеясы. Бұл принципті педагогикада Адольф Дистервег ұсынған. Ол:
«Тәрбие беру барысында адамның туған және өмір сүретін орны мен уақытының шарттарын, бір сөзбен айтқанда кең көлемдегі бүкіл заманауи мәдениетті ескеру қажет…» – деп жазған.

Бұл принциптің жүзеге асырылуы білім беруде ұлттық құндылықтар мен дәстүрлерді ескеруге, сондай-ақ адамгершілік пен эмоционалдық тәрбиедегі кемшіліктерді толықтыруға мүмкіндік береді.
Білім беру – баланы адамзат мәдениетінің негізгі компоненттерімен (білім, мораль, өнер, еңбек) таныстыру үдерісі ретінде қарастырылады.

ГОС және мектепке дейінгі тәрбие мен оқыту бағдарламасына сәйкес, балабақшадағы патриоттық тәрбие мына бағыттарға негізделеді:

• «Мен» бейнесін қалыптастыру, отбасына, ұйымдағы ересектер мен балалар қауымдастығына деген құрмет сезімін тәрбиелеу;
• гендерлік, отбасылық, азаматтық тиесілікті қалыптастыру; Отанды сүю, елдің жетістіктеріне мақтаныш сезімін, патриоттық сезімдерді тәрбиелеу.
  (Бағдарлама бөлімінен: «Бала отбасында және қауымдастықта, патриоттық тәрбие»)

Барлық жерде негізгі аспект сақталады: «Мен» бейнесі, отбасы, балабақша, туған ел, бірақ жас ерекшелігіне қарай мазмұны күрделене түседі.

ГОС мазмұнында мектеп жасына дейінгі балаларда патриотизмді тәрбиелеу процесін жандандырудың қажеттілігі ерекше атап өтіледі.
Бұл жаста балалар өте қызығушылық танытады, сезімтал, әсерленгіш келеді. Олар қандай да бір бастамаларға оңай жауап береді, шынайы жанашырлық таныта алады. Тәрбиеші үшін бұл — қолайлы, нәтижелі кезең. Себебі дәл осы шақта жүйелі және бірізді адамгершілік тәрбиесін қалыптастырудың кең мүмкіндіктері ашылады.

Енді айтыңыздаршы, жұмыстың қандай классикалық түрлерін білесіздер?
Оларды атаңыздар, біз тақтаға жазамыз.

Мысалы:
– әңгімелесу, ойындар, сюжеттік-рөлдік ойындар;
– барлық көркем шығармашылық қызмет түрлері;
– бірлескен тақырыптық мерекелер өткізу (Республика күні, Жаңа Жыл, Наурыз, Масленица, Алғыс айту күні, Бірлік күні, т.б.);
– презентациялар қарау, аудиожазбаларды пайдалану;
– экскурсиялар, қала бойынша мақсатты серуендер;
– көрмелер ұйымдастыру (ата-аналар мен балалардың бірлескен жұмысы).

Баланың алған материалы есінде сақталуы үшін не істеу керек?
Ол білімін қолдана алуы, әрі өзі қызығып, белгілі бір тақырып бойынша өз таным көкжиегін кеңейтуге ынталануы үшін қандай тәсілдер қажет?

Осыған байланысты педагогтар алдында тәрбиеленушілермен және ата-аналармен жұмыстың жаңа, стандарттан тыс формаларын іздеу міндеті қойылды.

Осы бағыттағы педагогикалық жұмысыңыздағы «табыстармен», жаңалықтармен бөлісуді сұраймын.

Тәжірибе алмасу:
Балалармен жұмыстың инновациялық түрлері

• балалар қайырымдылығы;
• музыкалық тақырыптық кештер;
• халықтық музыкалық ойындарды ұлттық киім элементтерімен қолдану;
• әр түрлі іс-әрекетте ойындарды қолдану: «Асық», «Киіз үй» және т.б.

Барлықтарыңызға «табыстарыңыз» үшін рахмет!

Жүргізуші (әдіскер): Жалғастырамыз.
Балалармен жұмыс істемес бұрын және инновациялық тәсілдерді қолданбас бұрын, әр педагогтың өзі құзыретті болуы тиіс. Көп нәрсені білуі және меңгеруі қажет. Дұрыс па?

Ендеше, біз «адамгершілік», «мораль», «мейірімділік» және басқа да тәрбиелік ұғымдарды қаншалықты жақсы білетінімізді анықтап көрейік.

Жаттығу «Даналық ойлар»

Үстел үстінде мақал-мәтелдер, қанатты сөздер, ұлы адамдардың айтқан нақылдары жазылған екі бөлікке бөлінген карточкалар жатыр.

Тапсырма: айтылымдарды тұтас сөйлемге келтіріп құрастыру (ән ойналады).

• «Тәрбие – кәрілікке ең жақсы азық» (Аристотель)
• «Ата-ананы сүю – барлық ізгі қасиеттердің негізі» (Цицерон)
• «Туған үй – түп қазығым» (Цицерон)
• «Өз елің – өлең төсегің»
• «Әкең мен шешеңді құрметтесең — өміріңе береке келеді»
• «Бала – үйдегі көргенін қайталайды. Ата-ана – оған үлгі» (Себастьян Брант)
• «Адамдарға жақсылық тілеген жан – жақсылыққа өзі де жетеді»

Жүргізуші (әдіскер): Сонымен, барлығымыз білеміз: баланың алғашқы ұстаздары – ата-анасы.
Енді айтыңыздаршы, біздің балабақшада ата-аналармен өзара әрекет қалай жүреді?
Қандай жұмыс түрлерін қолданасыздар? Қандай әдістер мен тәсілдерді пайдаланасыздар?

Тәжірибе алмасу:

Қорытынды

Халық даналығы былай дейді:
«Адамның үш қайғысы бар: өлім, кәрілік және жаман бала. Кәрілік — міндетті, өлім — тоқтатылмайды. Бұл екі қайғыдан ешкім қаша алмайды. Ал жаман баладан үйді қорғауға болады».

Әрбір отбасы баласын лайықты адам етіп өсіруді қалайды. Әркім өз баласымен мақтанғысы келеді, оның өмірді тек тұтынушы емес, құрастырушы азамат болғанын қалайды.

Баланың сезімдерін туған күнінен бастап тәрбиелеу — маңызды педагогикалық міндет.
Бала жаман да, жақсы да болып тумайды. Оның қандай адамгершілік қасиеттерді меңгеретіні — ең алдымен ата-анасына, педагогтарға және қоршаған үлкендерге байланысты. Біз баланың жан дүниесіне қазір не салсақ, ол кейін оның да, біздің де өміріміз болып көрінеді.

Патриоттық тәрбиеде табысқа жету үшін педагог:

– балалармен «жүректен жүрекке» қарым-қатынас орната алуы;
– өз көзқарасының дұрыстығына сенімді, шынайы болуы;
– халқымыздың рухани байлығын сезіне алуы;
– өз ой-пікірлері мен сезімдері арқылы тәрбиеленушілерді шабыттандыра алуы қажет.

Нағыз педагог мыналарға ие болуы шарт:

1. Өз ісіне деген шынайы қызығушылық;
2. Кәсіби шеберлік;
3. Педагогикалық сауаттылық;
4. Белсенді өмірлік ұстаным;
5. Жоғары патриоттық қасиеттер мен сезімдер.