Дене шынықтыру-сауықтыру мерекелік іс-шарасы (мектепалды даярлық тобының балалары мен 1-сынып оқушыларының бірлесуімен) «Біз епті, күшті, батылмыз» Дайындаған: тәрбиеші Қиянова М.В.; музыка жетекшісі Гайворонская Л.А.

МҚКК «№2 бөбекжай-балабақшасы»
Жол картасы аясында атқарылатын жұмыс
«Синхрондау»

Дене шынықтыру-сауықтыру мерекелік іс-шарасы
(мектепалды даярлық тобының балалары мен
1-сынып оқушыларының бірлесуімен)

«Біз епті, күшті, батылмыз»

Дайындаған: тәрбиеші Қиянова М.В.;
музыка жетекшісі Гайворонская Л.А.

Мақсаты: балалардың салауатты өмір салтына және қимыл-қозғалыс белсенділігіне деген қажеттілігін қалыптастыру.

Міндеттері:
балалардың дене қасиеттерін дамыту: төзімділік пен жылдамдықты арттыру; жағымды эмоциялардың дамуына ықпал ету; ойындарға, эстафеталарға қатысуға қызығушылығын дамыту.

Өту барысы:
Спорттық марш әуені ойналады.

Жүргізуші:
Назар аударыңыздар, назар аударыңыздар!
Барлық ұлдар мен қыздарды жарысқа шақырамыз.
Өздеріңізбен бірге батылдықты, жылдамдықты, тапқырлықты ала келіңдер.

Қараңдаршы, тамсаныңдар,
Көңілді балабақша балаларына.
Олимпиадалық үміттер
Бүгін балабақшада жүр.

Жүргізуші:
Балалар! Денсаулықты сақтау үшін мүмкіндігінше көп қозғалу керек екенін бәрі естіген болар. «Қозғалыс – өмір» деп бекер айтылмаған. Сондықтан барлығымыз бірге сәл қозғалайық.

Жылыту жаттығулары (музыкалық-ырғақты «Қадамдар»)

Жүргізуші:
Енді командаларымызбен танысайық.
«Күншуақ» командасы және «Көңілді бұлт» командасы.

Спорт, балалар, өте қажет,
Спорт – көмекші,
Спорт – денсаулық,
Спорт – ойын.
Барлық қатысушыларға «Дене шынықтыру – ура!»

Ойын: «Қай команда өз эмблемасын тезірек құрастырады»
(«Күншуақ» және «Көңілді бұлт»)
(эстафетаға арналған музыка ойнайды)

Жүргізуші:
Ал енді жарысайық:
Енді түгел командамен
Тезірек секіріңдер,
Қабырғадан қабырғаға
Секіріп қарсыластан озыңдар.

Капитандарға арналған байқау:
«Кім бірінші орындыққа отырады»
(капитандарға арналған музыка)

Жүргізуші:
Балалар, мерекемізге біреу асығып келе жатыр.
Оның кім екенін жұмбақты шешу арқылы білесіңдер:

Біледі бірін, білмейді бірін,
Бірақ үнемі кеңес береді.
Бұл кішкентай бала
Сөйлегіш те, мақтаншақ!
Сурет салады, өлең шығарады,
Шардың үстінде ұшып жүреді.
Балалайкамен ән салады,
Біздің қысқа бойлы…

Незнайка («Незнайканың шығуы» әуені ойнайды)

Незнайка:
Қайырлы күн, қымбатты спортшылар!
Мен – сөйлегіш те мақтаншақ Незнайкамын.
Баршаңызды спорт мерекесімен құттықтаймын.
Сіздерге мықты денсаулық, күш-қуат және жарыстарда жеңіс тілеймін!

Жүргізуші:
Қымбатты Незнайка, балалар қазір саған өздерінің епті әрі жылдам екенін дәлелдейді.

Ойын-эстафета: «Сиқырлы жұлдызқұрт»
(эстафетаға арналған музыка)

(Белгі бойынша бірінші ойыншы жүгіріп шығып, тіреуді айналып өтеді де командасына қайтып келеді. Оған екінші ойыншы қосылады. Осылайша барлық команда мүшелері жалғасады.)

Незнайка:
Шынында да епті әрі жылдам екендеріңді көріп тұрмын.
Ал енді мен кішкентайлармен ойнағым келеді, ал командалар сәл демалсын.

Музыкалық ойын: «Қозғал да, тоқта»

Незнайка:
Командалар демалды ма?
Енді ойынды байыппен жалғастырайық.

Эстафета: «Тоннель»
Команда мүшелері кезек-кезек тоннельдің ішінен еңбектеп өтіп, белгіленген бағдарды айналып, қайта оралады.

Ойын-эстафета: «Нысанаға дәл тигіз»
(эстафетаға арналған музыка)

Белгі бойынша бірінші ойыншы допты баскетбол сақинасына лақтырады, кейін келесі ойыншыға береді.

Жүргізуші:
Ал енді барлық балаларға арналған ойын.

Ойын: «Пайдалы және зиянды».
Егер бұл денсаулыққа пайдалы болса – қол шапалақтаңдар,
ал зиянды болса – аяқпен тарсылдатыңдар.

1. Таза ауада серуендеу?
2. Барлық затты ауызға салу әдеті?
3. Теледидарды ұзақ көру?
4. Тамақтанар алдында қол жуу?
5. Күніне екі рет тіс тазалау?
6. Шынығу?
7. Дұрыс әрі тұрақты тамақтану?

Незнайка:
Ал, оқушылар, жол қозғалысы ережелерін сақтайсыңдар ма?
Қазір соны тексеріп көрейік.

Ойын: «Фигуралы жүргізу»
(музыкамен)

Капитандар, командаларыңды тұрғызыңдар.
(Капитанға руль беріледі, ол командасын кегльдердің арасымен жүргізеді, кегльдерге тимеуге тырысады. Команданың барлық мүшелері бірінің артынан бірі тұрып, алдыңғы ойыншыдан ұстап жүреді.)

Музыкалық үзіліс: «Дөңгелектер, дөңгелектер»

НЕЗНАЙКА:
Көрермендерге арналған ойын «Айт та, көрсет».

Қалай тұрасың? (Бас бармақты көрсетеді)
Міне, осылай!
Қалай жүзесің? (Жүзуді бейнелейді)
Міне, осылай!
Қалай жүресің? (Орнында жүреді)
Міне, осылай!
Алысқа қалай қарайсың? (Қолды маңдайға қойып қарайды)
Міне, осылай!
Қалай жүгіресің? (Орнында жүгіреді)
Міне, осылай!
Қалай қоштасасың? (Қол бұлғайды)
Міне, осылай!
Қалай еркелейсің? (Жұдырықпен томпайған ұртын соғады)
Міне, осылай!
Қалай достасасың? (Бір-бірімен қол алысады)
Міне, осылай!

Жүргізуші:
Міне, біздің спорттық мерекеміз де аяқталды.
Қалай, Незнайка, балаларымыз жарады ма?

Жүргізуші:
Спорт – бұл өмір, ал біздің көңілді мерекеміз соның дәлелі.
Спортпен шұғылданыңдар, денсаулықтарыңды нығайтыңдар.

Незнайка:
Барлық қатысушылар өздерінің ептілігін, күшін, жылдамдығын көрсетті.
Ең бастысы – сергектік пен көптеген жағымды эмоция алды.

Командаларды марапаттау